يناديني من الماضي منادي
الى شفتك تردد في فؤادي .
. يقول الحب..قلت انك نسيته
واشوف النار من تحت الرمادي .
. الى شفتك تصيب القلب نشوه
مجربها من أيامٍ بعادي .
. الى شفتك ذكرت أيام ماضي
مضن لي معطي قلبي قيادي .
. شقاي وراحتي شوفة حبيبي
وانا بوادي وهالدنيا بوادي .
. الى منه قرب قرت عيوني
والى من سافر بلاده بلادي .
. اعيش الوان حبه في سعاده
لذيذ القرب وأشواق البعادي .
. أنا وياه عشناها ليالي
ملاها النور ما فيها سوادي .
. هوانا دايمٍ يتبع هوانا
ولا ندري وش أحوال العبادي .
. الين الله كتب فرقا علينا
كوتنا مير ما عنها حيادي .
. وقلبي خطت جرحه من عروقه
واحسبه فاد فالقلب الضمادي .
. وهو من شافتك عيني خفق لك
عسى ما يكسب جروحٍ جدادي .
. ولكن فيك خصلاتٍ هوتني
دلال وخف دمك والعنادي .
. وثقل وسمعه تحسد عليها
بوقت اليوم يا قل الملادي
((لمن بشتكي))
بين الملاكني غريبن وغمري
ونـــــفسي الحزينه وسط لمواج عايمه
مكتوب اشقى م الطفوله وصغري
جـــــار الزمن وارمى عليه ظلايمه
هذا انكتب في صفحة اسنين عمري
بـــــان القدروتوضحت لي علايمه
تجرعت كاسات المراره ولادري
ولا فـــــــارقني يوم لهموم دايمه
مقدر ابيح السر اخشى الغدري
واخــــــاف نقال الحديث ولوايمه
نفسي انطوت ولا عاد لي شي يغري
مـــــــا زالها حتى عن الزاد صايمه
صابر مع الايام والدهر يجري
ولابــــــــد من قلبي اقوي عزايمه
بهيم ف الصحراء الكبيره وبسري
حــــــــتى ولو حيدي تحفت قوايمه
في سيح خالي م القنانيص جفري
والـــــــريف تنفحلي سواري نسايمه
الجرح لي مدمي من اسنين يبري
حـــــيث السما صافي وبه اطيورحايمه
اقطف من الاثمار واشم زهري
واحـــــــضى بشوفة لي جميله وشايمه
هلال النصيفه ومن سنا الخد بدري
وحـــــــسنن تخفى تحت طية لثايمه
